Tiranë, 29 prill 2026

Shoqëria shtetërore KAYO SH.A, e kontrolluar nga Ministria e Mbrojtjes e Republikës së Shqipërisë, dhe Fincantieri S.p.A, një nga grupet më të mëdha botërore në ndërtimin e anijeve, kanë nënshkruar një marrëveshje për krijimin e një Joint Venture (JV) për ndërtimin dhe mirëmbajtjen e mjeteve detare ushtarake në Shqipëri. Ceremonia e nënshkrimit u zhvillua në Tiranë, në praninë e Kryeministrit z. Edi Rama dhe Ministrit të Mbrojtjes z. Ermal Nufi. Marrëveshja u nënshkrua nga z. Pierroberto Folgiero, CEO i Fincantieri, dhe z. Ardi Veliu, Administrator i KAYO SH.A, në prani të përfaqësuesve të lartë të Fincantieri dhe Ambasadorit të Italisë në Tiranë, z. Marco Alberti. Marrëveshja përbën vazhdimësinë e bashkëpunimit të nisur në vitin 2025 përmes Memorandumeve të Mirëkuptimit. JV do të zotërohet 51% nga Fincantieri dhe 49% nga KAYO SH.A, me fokus ndërtimin dhe mirëmbajtjen e njësive detare për Forcën Detare Shqiptare, si dhe zhvillimin e aktiviteteve tregtare në tregjet ndërkombëtare.

Në Shqipëri, JV do të veprojë si kontraktor kryesor për programet navale, ndërsa për eksportet Fincantieri do të ruajë këtë rol për anije ushtarake nën 80 metra, duke përcaktuar kantierin e Pashalimanit si vendin kryesor të prodhimit. Iniciativa synon modernizimin e këtij kantieri dhe krijimin e një platforme industriale bashkëkohore për ndërtimin naval.